கம்பு வடை செய்வது எப்படி?

தேவையானவை:

கம்பு - 1/4 கிலோ
வெங்காயம் - 2
காய்ந்த மிளகாய் - 3
பச்சைமிளகாய் - 3
மஞ்சள் தூள் - சிறிது
கறிவேப்பிலை - 2 கொத்து
சோம்பு - 2 தேக்கரண்டி
உப்பு - தேவையான அளவு
எண்ணெய் - தேவையான அளவு

செய்முறை:

முதலில் கம்பை கல், மண் இல்லாமல் சுத்தம் செய்து தேவையான அளவு தண்ணீர் ஊற்றி ஒரு மணி நேரம் ஊற வைக்கவும். வெங்காயம், பச்சைமிளகாய், கறிவேப்பிலையை பொடியாக நறுக்கி வைக்கவும். மிக்ஸியில் ஊற வைத்த கம்பு, காய்ந்த மிளகாய், சோம்பு சேர்த்து கொர கொரப்பாக அரைத்து எடுக்கவும். அரைக்கும் பொழுது சிறிது தண்ணீர் தெளித்து கெட்டியாக அரைக்கவும். அரைத்த மாவை ஒரு பாத்திரத்தில் எடுத்துக் கொண்டு நறுக்கி வைத்தவற்றை சேர்த்து அதோடு உப்பு, மஞ்சள் தூள் சேர்த்து நன்கு பிசையவும்.

இலை அல்லது பாலிதீன் பேப்பரில் எண்ணெய் தடவி சிறு ஊருண்டைகளாக மாவை எடுத்து உருட்டி அதிரசம் தட்டுவது போல தட்டி வைக்கவும். கடாயில் எண்ணெய் ஊற்றி காயந்த பின் தட்டிய வடைகளை போட்டு சிவக்க வேக வைத்து எடுக்கவும். சுவையான கம்பு வடை ரெடி.

நன்றி
தினகரன்